غمضت عينى وقلت نفسى اشوفها تانى
والمس ايديها واضمها حتى لثوانى
من بعدها مش لاقى حاجه مطمنانى
شئ مستحيل ينساها قلبى ولو لليله
فى بينا عشره وذكريات وحاجات جميله
ضاعت خلاص منى وياريت باديا حيله
كل ما انسى هفتكرها
مهما اشوف ما بشوفش غيرها
الوحيده اللى معاها وفهواها ارتحت انا
عمرها ما هتبقى ما ضى
اللى بينا ما كانش عادى
حب عاش من يوم لقانا ولسه هيعيش ميت سنه
بانت قيمتها لما ضاعت من ايديا
طيبه وحنان مش موجدين غير فيها هى
كان قلبها من غير ما اقول بيحس بيا
لو عشت فوق العمر عمر هعيشو ليها
هفضل فاكرها وعمرى يوم ما هكون ناسيها
وهعيش على امل انى يوم اشوف عينيها
كل ما انسى هفتكرها
مهما اشوف ما بشوفش غيرها
الوحيده اللى معاها وفهواها ارتحت انا
عملرها ما هتبقى ماضى
اللى بينا ما كانش عادى
حب عاش من يوم لقانا ولسه هيعيش ميت سنه
الخميس 28 أغسطس 2008 - 16:46